Добредојде за новите менаџери во Премиер

Иако годинешново лето помина без поголеми потреси на менаџерските позиции кај премиерлигашите, сепак во трите промени постои потенцијал за неколку битни изместувања на рамнотежата во Лигата. Оние екипи кои во минатата година не беа задоволни со своите менаџери, ги сменија со избори за кои што сметаат дека подобро ќе ја завршат работата за која се платени. Низ привјуата за секој од клубовите пред почетокот на сезонава, ќе се обидеме да дифинираме и што донеле новите менаџери со себе на новото работно место. Ова пред се се однесува на со кеш набилданите (барем привидно) Челзи и Манчестер Сити, кои за нови кормилари летово ги поставија Луис Фелипе Сколари и Марк Хјуз, респективли. Блекбурн ја направи својата промена се чини принудно по разделбата со Хјуз и на негово место го постави Пол Инс. Уште неколку екипи кои ги сменија своите менаџери минатата сезона, но немаа време да ги искористат нивните потенцијали, очекуваат нивниот избор да се покаже како правилен уште на почетокот на оваа сезона. Ова пред се важи за Тотенхем, Њукасл и Фулам. Додуша, останува мистерија што добро може да се очекува од Кевин Киген, ама Њукасл ионака имаат многу поголеми проблеми од него.